وصلني هالنكت من مصدر سري لا استطيع الكشف عنه لاسباب امنيه ههههههههههه
قالك مرة :
معمر خش لمتحف ووقف عند لوحه وقال لواحد من المنظمين شنو الحمار اللي راسمينه هذا هو اللي تسموا فيه الفن الحديث ؟
رد المنظم : هذي مرايه يالاخ القائد هههههه .
واحد محشش مقمعز في الليل حق خفاش قال حي فار لابس عبايه هههههههه
عزوز سألوها شن دايره مع رمضان قالت لولا الوضوء را متنا من العطش هههههههه
بنت تشتغل شرطيه مرور في يوم نست الصفاره مشت المرور بالزغاريت خهههههههههههه
في سنة 1100 قبل التاريخ كان في ديناصورين (حش حش و مرزوق) بخيلين بكل فمرة تعاندوا مع بعضهم على اساس يلعبوا وابيس واللي يلقى الاخر يعطيه ربع جنيه ولغايت توا مازالوا كارسين هخههخ بايخه ههه
مرة واحد ازرقوا عليه الكتايب قالوله انت مع من ؟ تفلوج قال: مع معمر عبد الجليل هههههههههههههههههه قويه بكل هههههههه
مرة في واحد بلبول يبي ينتحر كلا خبزة شعير هههههههههههه حلوة صح هههههههه
واحد غبي خش للدكان سأل البياع في شوكلاته ربع ؟ قاله البياع اها فيه ،، قاله باهي بكم؟ هههههههههههه
محشش تزوج وبعد 4شهور ونص مراته جابت ولد سألها كيف جاء الولد هذا ولنا 4 شهور ونص بس قالتله انت كم لك متزوجني؟ قاللها 4 ونص ،، قالتله وانا كم ليا متزوجتك ؟ قاللها 4 ونص ،، قالتله خلاص هكي ييقعدن 9 هههههههه ههههههههه
ـــــــــــــــــــــــــــــــــــــــــــــ
مغامرات عائلة القذافي:
1- القذافي انا هنا انا هنا وله 3 شهور مش باين.
2-صفيه اغنى ممرضه في العالم.هههه
3-خميس لواء وعمره 25 ههه مات امثر من مرة ومازال عنده ارواح ههه جو (ماريو)
4-عايشه حملت وجابت في 38 يوم جو ارانب. هذي زي نكتت المحشش اللي فوق ههههههه
5-الساعدي طبعا الكابتن ماجد. ههه
6- محمد مكتوب في جواز سفره نجل الاخ العقيد القذافي.
7- سيف كمل حياته كلها يحلم ومازال ماناض.
8-هناء ماتت سنة 1986واخذت شهادة الدوكتوراه سنه 2006. خهههههههههه هذي اقوى وحده.
ــــــــــــــــــــــــــــــــــــــــــــــــــــــ
قمة النفااااق
انك تكون تكره ابن جيرانكم الصغير لانه شيطان و قرد
"
وفجأه تمسكه وتبوسه وتلعب بشعرة
لأن اخته واقفة على باب البيت ههههههههه ديما تصير هههههههههه
ــــــــــــــــــــــــــــــــــــــــــــــــــ
قمة القوه
لما بنت تقول لخوها يا حمار ويلف عليها ويقول من الحمار؟ تقول : انا ههههههههههه والله مسكينه هههههههههههه
ــــــــــــــــــــــــــــــــــــــــــــــــــــ
قمة سوء الحظ
انك تهرب من المدرسه وماحد يعرف
ولما تقعد عالفايس بوك وتشرح لصاحبك عالحائط كيف هربت تلقى بابتك دايرلك لايك ههههههه ههههههه
ـــــــــــــــــــــــــــــــــــــــــــــــــــــــــــــــ
سبب خراب هالجيل
طرزان يمشي لابس خرقه!!!
- و ليلى ما كانتش تسمع في كلام أمها !!!
- سنووايت كانت ساكنة مع 7 شباب!!
- روبن هود كان سراق !!
- جودي طول الوقت تلحق في صاحب الظل الطويل !!
- عدنان قلب على عبسي عشان خاطر لينا !!
- هايدي دايره ريلينشن مع بيتر !!
- سندباد ما خلا بلاد إلا سافرلها !!
- والأميره النائمه ماناضت إلا لما حبيبها باسها !!ههه
- ياسمين تدور وتلف مع علاء الدين وحدهم !!
طيب اذا هذي القصص اللي ربونا عليها
ليش مستغربين ان الجيل سخيـــــــــــــــــــف؟
هههههههههههههههههههههههههههههههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــ
ثلاث قناصين امريكي و فرنسي و القذافي تحدوا بعضهم
الامريكي قال حطو دلاعه على راس واحد على بعد 50 متر وحنجيبها
نشن جات في الدلاعه نفخ في المسدس و قال
.........I am American
الفرنسي قال لا حطوا تفاحه على راس واحد على بعد 100متر وحنجيبها
نشن وجت فى التفاحه , نفخ في المسدس وقال
I am French
القذافي صعبها ،قال لااااااا على بعد 200 متر حطو فوق راسه حبة قمح , وحنجيبها
نشن جت في راس الراجل مات, نفخ في المسدس و قال
I am Sorry
ههههههههههههههههههههههههههههههههههههههههههه قويه بكل
ـــــــــــــــــــــــــــــــــــــــــــــــــــــــــــــــــــ
عجبني هالنكت قلت مانحرمكنش منهن وياريت ماتحرمنيش من تعليقاتكن وان شاء الله يكونن اعجبنكن
من طرف 
